Hamaze imisi hibonekeza ubusuma bw’amafaranga bukorerwa kuma terefone ngendanwa bugakorerwa abenegihugu hamwe n’aba Agents bafasha mu kubika, kubikura canke kurungika amafaranga ku mbuga za LUMICASH, ECOCASH n’izindi.
Ku bwivyo ubuyobozi bw’ikigo ARCT bwibukije ibi bikurikira :
- Imbere yo kurungika amafaranga yawe, itonde urabe inomero uyarungitseko n’izina ryuwo yanditseko ;
- Umu Agents asabwe kudatiza terefone akoresha murwo rudandazwa canke ngo asabikanye n’abandi ibiharuro kabanga (PIN) akoresha, uko vyogenda kose ;
- Umu Agent asabwe gusuzuma ko uwuhawe amafaranga ariwe koko nyene carte SIM mukuzuza ca gitabo aza arandikamwo umwidondoro w’umuntu wese abikuye amahera kwiterefone ;
- Bishitse ukihenda usabwe guhamagara bidatevye kuri 163 muri LUMICASH canke kuri 444 mugihe ukoresha ECOCASH ;
- Uwibwe afise imisi 2 inyuma yokumenyesha ubusuma mu muhora akoresha kugira yiture inyamiramabi ashobore gutunganirizwa.
Ubuyobozi bw’ikigo ARCT bwibukije kandi ko kibujijwe gutizanya carte SIM kuko ishobora gukoreshwa m’ubugizi bwa nabi mweneyo abiharugwako. Fyonda ngaha muronke Itangazo ryikwije